Birikken Arab Ámirlikterinen Muhtar Ábiliazovtyń sybailasy ekstraditsiialandy. Bul týraly "Ult aqparat" Bas prokýratýranyń baspasóz qyzmetine silteme jasap habarlaidy.
Bas prokýratýra men Sybailas jemqorlyqqa qarsy is-qimyl agenttiginiń qyzmetkerleri Birikken Arab Ámirlikterinen BTA Bankiniń burynǵy basqarýshy direktory Rýstam Ibragimovty Qazaqstanǵa ekstraditsiialady.
Ibragimov BTA Bankiniń 250 mln AQSh dollary qarajatyn Muhtar Ábiliazovtyń uiymdasqan qylmystyq tobynyń múshelerimen birlesip jasaǵan urlyǵy úshin izdeýde bolǵan.
Qylmystyq jaýapkershilikten jaltarý maqsatynda ol, BAÁ-de Qyrǵyzstan azamatynyń jalǵan tólqujatyn paidalanyp jasyrynǵan.
Alaida, qazaqstandyq quqyq qorǵaý organdarynyń arab jáne qyrǵyz áriptesterimen birlese atqarǵan jumysynyń nátijesinde, sondai-aq BAÁ-degi Qazaqstan elshiliginiń kómegimen joǵaryda atalǵan tólqujat zańsyz dep tanylyp, qylmysker ustalyp Qazaqstan Respýblikasyna ekstraditsiialandy.
Qazirgi ýaqytta Ibragimov Almatydaǵy tergeý izoliatoryna qamaldy.
