Qazaqstannyń mádeniet jáne sport ministri Arystanbek Muhamediuly "Juldyz FM" radiosynyń stýdiiasynda Beatles tobynyń ánin oryndady, - dep habarlaidy "Ult aqparat" kaz.tengrinews.kz portalyna silteme jasap. Ol áigili liverpýldik tórttiktiń Yesterday ánin ol "Na vershine Tengri" jobasynyń qatysýshysy Marina Galitskaia men kompozitor Artýr Orenbýrgskiimen birge aitty.
"Tańǵy shoý" efirinde ministr óziniń bos ýaqytynda mýzykamen áýestenetinin aitty. "Kei kezderi túski úziliste de mýzykamen ainalysýǵa múmkindik týady", - deidi ol.
"Mýzykalyq aspaptar adamdy qanattandyrady. Ásirese, qandai da bir áýendi, klassikalyq shyǵarmalardy, halyq ánderin oryndaǵanda. Bul - qajet nárse. Bul kez-kelgen adamǵa shabyttanǵan ýaqytta nemese bir dúnie týrasynda ýaiymdaǵanda jaqsy kómek bolady. Meniń mamandyǵym - violonchelde oinaý. Onymen qosa, fortepianoda, dombyrada oinaitynym bar, direjorlyq etemin", - dedi Arystanbek Muhamediuly radioshoýdyń tańǵy efirinde suraqtarǵa jaýap bere otyryp.
"Jýldyz FM" radiosyndaǵy "Tańǵy shoý" efiri
Sonymen qatar, ol ánniń mýzykasyn jazatynyn da aitty. "Men áýendi jan raqaty úshin, dostarym úshin jazamyn. Al, dál qazirgi ýaqytta filosofiia men tarihqa qyzyǵýshylyǵym artyp júr. Aldaǵy kezeńde bizdiń qoǵamnyń ereksheligi, kózqarasy týraly arnaiy kitap jazý da oiymda bar", - dedi ministr.
