QR mádeniet jáne sport ministri Arystanbek Muhamediuly Eńlik Sydyqovanyń videoúndeýine qatysty pikir bildirdi, - dep habarlaidy "Ult aqparat" kaz.tengrinews.kz portalyna silteme jasap.
"Men Eńlik Sydyqovaǵa baqyt, amandyq jáne baqytty ómir súrýin tileimin. Ómirde taǵdyryna tek jaǵymdy áser etetin durys sheshimder qabyldaýyn tileimin", - dep pikir bildirdi ministr Tengrinews.kz tilshisine.
Aita keteiik, osyǵan deiin Eńlik Sydyqova daýly máseleni jalǵastyrmaitynyn aityp, video jariialaǵan bolatyn.
Videoda Eńlik Sydyqova "Feniks" filminiń rejisserleriniń óz sózderin joqqa shyǵaryp, óz kinálaryn moiyndaǵandyqtan, bul isti jalǵastyrýǵa qajettilik joq dep esepteitinin aitady. "Men endi pikir bildirip, suhbattar bergim kelmeidi", - deidi ol videoda.
Osydan keiin onyń advokaty Gúlnara Jýasbaeva Sydyqovanyń videosyn qoldap, sóz sóileidi. "Men ony (Eńlik Sydyqovany) qoldaimyn. Klientimniń qalaýy men úshin zań. Eger ol qalamasa, ministrdiń taqyrybyn talqylaýdyń qajeti joq. Rejisser óz kinásin moiyndaǵandyqtan, men qoldaý bildirgenderden, bul taqyrypty qozǵaýdy qalamaǵan qarsylastardan bul taqyrypty qaitadan talqylamaýdy suraimyn. Eńlik 24 jasta. Onyń bar ómiri alda. Onyń jeke, otbasylyq ómiri jaqsy bolǵanyn qalaimyn. Oǵan tek baqyt tileimin. Ol maǵan múddemdi qorǵańyz dep kelgende bul máselemen birinshi kezekte ana retinde, áiel retinde qolǵa alǵan edim. Ana ári áiel retinde osy taqyryptyń eki ai boiy Internette shý shyǵarǵany úshin keshirim suraimyn. Endi osy taqyrypty talqylaýdy qoiýǵa ýaqyt keldi (...)", - deidi advokat videoda.
Eske salaiyq, Temirbek Júrgenov atyndaǵy Qazaq ulttyq óner akademiiasynyń burynǵy stýdenti Eńlik Sydyqova ministrdi bóten oimen tiisti dep aiyptaǵan bolatyn. Videoda qyz 2011 jyly Muhamediuly rektor bolǵanda akademiiaǵa aqshaǵa túsirip beretinin aitty jáne ekiushty usynystar aitty dep málimdeidi. Sóitip, qyz "Feniks" filminiń rejisserine qoldaý bildiretinin aitady. Al Muhamediuly óz kezeginde bul málimdemeniń shyndyqqa janaspaitynyn málimdegen. Osydan keiin BAQ-tarda taǵy bir qyzdyń ministri "tiisti" dep aiyptaǵany jaily habar tarady. Al keiin QR mádeniet jáne sport ministri Arystanbek Muhamediuly ar-namysy men abyroiyn sotta qorǵaityn bolatyny habarlandy.
Keiin Sybailas jemqorlyqqa qarsy is-qimyl ulttyq biýrosy "Feniks" kórkemfilminiń túsirilimderine bólingen qarajattyń jymqyrylǵanyn anyqtap, filmniń prodiýseri, belgili akter Tuńǵyshbai Jamanqulovty ustady. Keiin ol óz kinásin tolyqtai moiyndap, jymqyryldy delingen 79 million teńgeniń 6 millionyn qaitarǵany belgili bolǵan edi.
