Qazaqstanda múgedektik úshin beriletin birqatar járdemaqyǵa ózgerister engizildi. Bul týraly QR Eńbek jáne halyqty áleýmettik qorǵaý ministri Birjan Nurymbetov aityp berdi, dep habarlaidy QazAqparat.
«Ulttyq jospar sheńberdinde ministrlik azamattardyń jekelegen sanattaryn áleýmettik qorǵaý máselesi boiynsha zań jobasyn ázirledi. Zań jobasy 80-nen astam normativtik-quqyqtyq aktige ózgerister engizýdi kózdeidi jáne múgedektigi bar adamdardyń quqyqtary men áleýmettik qoldaýdy qamtamasyz etýge qatysty Nur Otan partiiasynyń sailaýaldy tuǵyrnamasynda kórinis atpqan onnan astam tujyrymdamalyq tolyqtyrýlardy qamtidy», - dedi ministr Úkimettiń búgingi otyrysynda.
Onyń ishinde múgedek adamdardy jumysqa ornalastyrý jónindegi kvotany oryndamaityn jumys berýshilerdiń ótemaqy jarnalaryn engizý, barlyq birinshi toptaǵy múgedek jandarǵa kútim jasaityn adamdarǵa járdemaqy engizý, 7 jastan 16 jasqa deiingi balalardy múgedek toptary boiynsha bólý, járdemaqy mólsherin qaita qaraý, múgedektikti jáne asyraýshysynan aiyrylý boiynsha járdemaqylardy birge alý quqyǵyn berý, I-II top múgedektigi belgilengen jaǵdaida 18 jastan asqan balalar úshin turǵyn úi kezegin saqtap qalý syndy mayzdy áleýmettik normalar bar.
Zań jobasy barlyq satylarynan ótti jáne jaqyn arada Parlamentke engiziletin bolady.
