Jyl basynan beri Áleýmettik qyzmetter portaly arqyly múgedektigi bar 16 myńnan astam adam meditsinalyq-áleýmettik kórsetkishter men qarsy kórsetkishterge sáikes ázirlengen ońaltýdyń jeke baǵdarlamalary negizinde protezdik-ortopediialyq kómek qyzmetin aldy, dep habarlaidy QR Eńbek jáne halyqty áleýmettik qorǵaý ministrliginiń baspasóz qyzmeti.
Joǵaryda kórsetilgen qyzmetterge protezdermen, júris arbalarymen, taiaqtarmen, baldaqtarmen, ortopediialyq aiaqkiimmen, bandajdarmen, korsettermen, týtorlarmen, reklinatorlarmen, basustaǵyshtarmen, sýpinatorlarmen, emdeý beldikterimen, balalarǵa arnalǵan profilaktikalyq shalbarmen jáne t.b. qamtamasyz etý jatady.
Portal múgedektigi bar adamdarǵa óndirýshi men ónim berýshini óz betinshe tańdaýǵa múmkindik beredi. Kómek túrine tapsyrys berý kórsetiletin qyzmetti alýshynyń elektrondyq tsifrlyq qoltańbasymen rastaý arqyly júzege asyrylady. Tapsyrysty jetkizý nemese alyp ketý arqyly alýǵa bolady.
Portalda protezdik-ortopediialyq qyzmet kórsetýden basqa sýrdotehnikalyq, tiflotehnikalyq jáne gigienalyq quraldar, sondai-aq kreslo-arbalar alýǵa ótinim rásimdeýge bolady.
Aǵymdaǵy jyldyń basynan beri Áleýmettik qyzmetter portaly arqyly múgedektigi bar 113 myńnan astam adam ońaltýdyń tehnikalyq quraldaryn, 6 myńnan astam – ymdaý tili qyzmetin, 31 myńnan astam – jeke kómekshiniń qyzmetin alyp, 36 myńǵa jýyq – sanatorlyq-kýrorttyq emdeldi jáne 122 myńnan astam adam kepildik berilgen áleýmettik toptamaǵa tapsyrystar rásimdedi.
Búginde Portalda arnaiy áleýmettik qyzmetter kórsetetin 859 meditsinalyq-áleýmettik mekeme (bólimsheler), 127 OTQ jetkizýshisi, 13 myńnan astam jeke kómekshi qyzmetin, 250 ymdaý tilin, 66 sanatorlyq-kýrorttyq emdeýdi, 135 kepildendirilgen áleýmettik toptama boiynsha ónim berýshi tirkelgen.
2020 jylǵy 29 jeltoqsannan bastap Elektrondyq úkimet arqyly (eGov.kz) múgedektigi bar adamdarǵa QR Eńbek jáne halyqty áleýmettik qorǵaý ministrliginiń memlekettik qyzmetterin kórsetýge elektrondyq ótinim berý múmkindigi iske asyryldy. Osy kezeńde Elektrondyq úkimet portaly arqyly ońaltý quraldarymen jáne qyzmetterimen qamtamasyz etýge 110,5 myńnan astam qujat rásimdeldi.
«Áleýmettik qyzmetter portaly» avtomattandyrylǵan aqparattyq júiesin engizý Múgedektigi bar adamdardyń quqyǵyn qamtamasyz etý jáne ómir súrý sapasyn jaqsartý jónindegi ulttyq jospar sheńberinde qarastyrylǵan.
Portaldy paidalaný boiynsha keńesti qoldaýdyń bailanys-ortalyǵynan alýǵa bolady, oǵan tildi tańdap jáne 4 sandy basyp,1414 biryńǵai nómiri arqyly habarlasý kerek.
