Astana boiynsha I toptaǵy múgedekterge jáne sanatoriialyq-kýrorttyq emdeý qyzmetin alǵan múgedek balalardy ertip júrý shyǵyndaryn óteýdiń shekti somasy 35 ailyq eseptik kórsetkish bolyp belgilendi, dep habarlaidy QazAqparat.
Mundai sheshimdi Nur-Sultan qalasynyń qoǵamdyq keńesine Jumyspen qamtý jáne áleýmettik qorǵaý basqarmasynyń ókili Aigerim Qudaibergenova tanystyrdy. Keńes músheleri usynysty maquldady.
«Áleýmettik qoldaý sharalaryn arttyrý maqsatynda júrip-turýy qiyn I toptaǵy múgedekterge jáne sanatorlyq-kýrorttyq emdeý qyzmetin alǵan múgedek balalardy ertip júrgen adamdarǵa ótinish berýshiniń naqty shyǵyndary mólsherinde biraq 35 ailyq eseptik kórsetkishten aspaityn shyǵyndardy óteýdi usynamyz. Qosymsha qajettilik 3113 adamǵa 317,8 mln teńgeni qurap otyr. Osylaisha aǵymdaǵy jyly jergilikti biýdjettiń jalpy boljamdy shyǵyndary 445,3 mln teńgeni quraidy. Atalǵan joba QR qoldanystaǵy zańnamasyna qaishy kelmeidi jáne quqyqtyq aktilerde qoiylǵan talaptarǵa sai», - dedi Aigerim Qudaibergenova.
