Muǵalimderdi kýrstardan ótkizý jalǵasady. Bul týraly Bilim jáne ǵylym ministrliginiń alqa májilisinde vedomstvo basshysy Ashat Aimaǵambetov aitty, dep habarlaidy QazAqparat.
«Biylǵy oqý jyly qashyqtan oqytý formatynda ótip jatyr. Oqý protsesin atalǵan formatta ótkizý boiynsha maqsatty jumys júrgizilip otyr. Qashyqtan oqytý jaǵdaiynda oqýshylar men muǵalimder qajet kompiýterlik tehnikamen etken qamtamasyz etildi. Bul baǵytta Úkimettiń rezervinen de, jergilikti biýdjetten de qarajat bólinip, sonyń arqasynda aýqymdy kólemde kompiýter satyp alyndy jáne balalarǵa taratyldy. Degenmen onlain júieni áli de jetildirimiz kerek», - dedi A. Aimaǵambetov.
Osy oraida ministr onlain platformalar jetkiliksiz ekenin aita kele, sondyqtan bul baǵytty damytýdyń joldary qarastyrylyp otyrǵanyn aitty.
«Taǵy bir másele – ol muǵalimderdi kýrstardan ótkizý. Barlyq pedagogtardy qysqa merzimdi kýrstardan ótkizdik. Bul baǵyttaǵy qadamdar jalǵasatyn bolady. Jalpy pedagogikalyq ýniversitetterde pedagog mamandardy daiyndaǵanda osy mindetti pándi, mindetti modýldi engizemiz. Biliktilikti arttyrý kýrstarynda da osy másele boiynsha tiisti modýldi qosamyz», - dedi vedomstvo basshysy.
