Muǵalimder toltyrýǵa mindetti 5 qaǵaz-qujattyń tizimi bekitildi. Basqa qujattarǵa muǵalimder jaýapty bolmaidy. Bul týraly búgingi Úkimet otyrysynda Bilim jáne ǵylym ministri Erlan Saǵadiev málim etti, dep habarlaidy QazAqparat tilshisi.
«Jańa oqý jylynyń qarsańynda muǵalimniń jumysyn jeńildetýge baǵyttalǵan sharalar qabyldandy. Birinshiden, esterińizde bolsa, byltyrdan beri muǵalimderdi úi aralatýdan alyp tastadyq. Mekteptiń reitingi de alyndy. Endi ministrlik muǵalim jumysyn jeńildetý úshin óz tarapynan pedagogtar toltyrýǵa tiis qujattar tizbesin alǵash ret bekitti. Ol tek bes qujat. Odan basqa muǵalimderden eshqandai qaǵaz, qujat suralmaýy tiis», - deidi Erlan Saǵadiev.
Úkimet otyrysynan keiin baspasóz máslihatyn ótkizgen Bilim jáne ǵylym vitse-ministri Ashat Aimaǵambetov mektep muǵalimderi toltyrýǵa mindetti 5 qujattyń tizimin aityp berdi.
«Naqtyraq aitsaq, olar - kúntizbelik-taqyryptyq josparlaý, sabaq boiynsha josparlaý, kriiteriilik baǵalaý, kúndelik jáne synyp jýrnaly. Jalpy, kúndelik pen jýrnal boiynsha qazir tsifrlandyrý júrip jatyr», - deidi Ashat Aimaǵambetov.
