Muǵalimder men bilim alýshylarǵa arnalǵan 175 tegin olimpiada men konkýrstyń tizimi bekitildi. Olar mektepke deiingi, bastaýysh, orta, tehnikalyq jáne kásiptik bilim berýdiń barlyq deńgeiin qamtidy, dep habarlaidy QR BǴM baspasóz qyzmeti.
Endi olimpiadalar mekteptiń mártebesine bailanysty saralanady. Sebebi tizimge aýyldyq, sondai-aq mamandandyrylǵan jáne jekemenshik mektepter engizilgen. Respýblikalyq olimpiadalarǵa bastaýysh (2-4) jáne orta (5-6) synyp oqýshylary qatysa alady.
«Ziiatkerlik olimpiadalardyń maqsaty – qabiletti damytý, teoriialyq bilim men praktikalyq daǵdylardy tereńdetý, jeke tulǵanyń ózin-ózi júzege asyrýyna járdemdesý, daryndy balalardy anyqtaý úshin jaǵdai jasaý, bilim alýshylardy halyqaralyq olimpiadalarǵa qatysýǵa irikteý jáne daiyndaý. Aita ketý kerek, Bilim jáne ǵylym ministrligi ótkizetin barlyq jarys, onyń ishinde ziiatkerlik olimpiadalar da, shyǵarmashylyq ári sporttyq jarystar da biýdjet qarajaty esebinen júrgiziledi», – dep atap ótti Sholpan Karinova.
Sonymen qatar tizimge 33 olimpiada men konkýrs engizilgen, olardyń nátijeleri pedagogterdi attestattaý kezinde eskeriletin bolady.
