Almatyda moped mingen kýrerdiń jol apatynan zardap shekken eki adamnyń biri aýrýhanada qaitys boldy. Bul týraly qalalyq politsiia departamenti málim etti, dep habarlaidy "Ult aqparat".
«Ókinishke qarai, 28 naýryz kúni Abai dańǵyly men Baitursynov kóshesiniń qiylysynda bolǵan jol apatynan jaraqat alǵan mopedtiń jolaýshysy qalalyq aýrýhanalardyń birinde qaitys boldy. Qazirgi ýaqytta bul fakt boiynsha Almaty qalasy PD tergeý basqarmasynda QR QK 345-baby, 3-bóligi boiynsha tergeý júrip jatyr», - dedi Almaty qalalyq politsiia departamentiniń resmi ókili Saltanat Ázirbek.
Buǵan deiin jol apatynyń videosy áleýmettik jelide taraǵan bolatyn.
Eske salaiyq, 28 naýryz kúni saǵat 22:00 shamasynda moped júrgizýshisi Abai dańǵylymen batys baǵytta kele jatyp, Baitursynov kóshesiniń qiylysynda baǵdarshamnyń eskertý signalyna qaramastan ótip ketpek bolǵan.
Saldarynan «Toyota RAV4» avtokóligimen soqtyǵysty.
Apattan moped júrgizýshisi men onyń jolaýshysy túrli dene jaraqatyn alyp, aýrýhanaǵa jetkizilgen edi.
