Búgin Mońǵoliianyń Ulttyq statistika komiteti (UQK) 2021 jyldyń qorytyndysy boiynsha tórt túlik maldy jáne úi janýarlaryn esepke alý qorytyndysyn tanystyrdy, dep habarlaidy QazAqparat MONTsAME agenttigine silteme jasap.
Aldyn ala qorytyndylar boiynsha eldegi mal basy 67,3 millionǵa jetken.
Aýyl sharýashylyǵy, ekologiia jáne óndiris statistikasy basqarmasynyń basshysy E.Miagmarhandtyń aitýynsha, bul kórsetkish ótken jylmen salystyrǵanda 6,4 paiyzǵa nemese 268,4 myń basqa ósken.
Jalpy jylqy sany mal basyna shaqqanda 4,3 mln basty nemese 6,4% -dy, siyr - 5 mln-dy (7,6%), túie- 453,5 myńdy (0,7%), qoi-31,1 mln-dy (46,2%) jáne eshki-26,5 mln-dy (39,3%) quraidy.
Ótken jylmen salystyrǵanda qoi sany 3,4 paiyzǵa nemese 1 mln-ǵa , siyr 6,1 paiyzǵa nemese 288,8 myńǵa, jylqy 230,1 myńǵa nemese 5,6 paiyzǵa ósti, eshki men túie sany bir jyl burynǵy kórsetkishpen salystyrǵanda kerisinshe kemigeni baiqalady, atap aitqanda eshki 1,3 mln nemese 4,6%-ǵa jáne túie 19,1 myńǵa nemese 4,0%-ǵa kemigen.
