Qasym-Jomart Toqaev fin áriptesimen kezdesýden keiin Moldova Prezidenti Igor Dodonmen kelissóz júrgizdi, dep habarlaidy Aqordanyń baspasóz qyzmeti.
Kóshbasshylar saiasi jáne saýda-ekonomikalyq salalardaǵy yntymaqtastyqtyń aǵymdaǵy jai-kúii men damý perspektivalaryn, sondai-aq ekijaqty qatynastardyń quqyqtyq-sharttyq bazasyn keńeitý máselelerin talqylady.
Memleket basshylary eki el arasyndaǵy dostyq qarym-qatynastardyń oń dinamikasyn atap ótip, odan ári nyǵaitýǵa daiyn ekenderin málimdedi.
Atap aitqanda, taraptar ekonomikalyq yntymaqtastyq jónindegi birlesken Úkimetaralyq komissiianyń jumysyn jandandyrý qajettigin atap ótti.
Moldova prezidenti Qasym-Jomart Toqaevty kelesi jyly Moldovaǵa resmi saparmen kelýge shaqyrdy.
