Mobildi tólemder týraly salyq normasy 1 naýryzda kúshine enedi. Bul týraly QR Qarjy ministrliginiń baspasóz qyzmeti málim etti, dep habarlaidy QazAqparat.
«Jaqynda «Salyq jáne biýdjetke tólenetin basqa da mindetti tólemder týraly» kodekske (Salyq kodeksi) túzetýler engizildi. Engizilgen ózgerister salyqtyq ákimshilendirýdiń tiimdiligin arttyrýǵa, kóleńkeli ekonomikanyń úlesin azaitýǵa jáne adal biznesti qoldaýǵa baǵyttalǵan», - dep jazady ministrliktiń baspasóz qyzmeti.
Resmi organnyń málimeti boiynsha, zańdy ázirleýge «Atameken» ulttyq kásipkerler palatasy men Qazaqstan qarjygerler qaýymdastyǵy, ekinshi deńgeili bankter atsalysqan.
«Bul normalar kásipkerlik maqsattaǵy mobildi tólemderdi jeke tulǵalardyń jeke aýdarymdarynan ajyratýǵa múmkindik beredi, Qarjy ministrligi jeke tulǵalardyń jeke aýdarymdaryna salyq salynbaitynyn airyqsha atap ótedi. Zańnamada «mobildi aýdarym» jáne «mobildi tólem» eki bólek kórsetilgen. Sońǵysy taýarlar men qyzmetterge aqy tóleý úshin júzege asyrylady. Bul salyq deklaratsiialarynda kásipkerlerdiń kiristerin durys kórsetýge ákeledi», - delingen mamandardyń túsindirmesinde.
Ministrliktiń ustanymy boiynsha, mobildi tólemderdi jeke tirkeý sharasy onlain aýdarym jasaityn adamnyń bárine salyq jaýapkershiligin júktemeidi.
Tek biznestiń qoldanystaǵy zańnamada qarastyrylǵan salyq mindettemelerin oryndaýyna baǵyttalǵan.
«Kásipkerler burynǵydai mobildi tólemdi alǵannan keiin tutynýshyǵa kassalyq chek berýi kerek. Mobildi tólemge qatysty normalar 2022 jylǵy 1 naýryzdan bastap kúshine enedi. Kásipkerlik qyzmet belgileri bar utqyr tólemder boiynsha derektermen almasý tek 2025 jyldan bastap josparlanady», - dep jazady vedomstvonyń baspasóz qyzmeti.
