MMA-dan 2021 jylǵy álem chempionaty Qazaqstanda 27 qarasha men 5 jeltoqsan kúnderi aralyǵynda ótedi. Eresekter arasyndaǵy jaryspen qatar Qazaqstanda jastar arasyndaǵy (18-20) álem chempionaty da ótedi. Bul týraly Reseidiń MMA Odaǵynyń prezidenti Radmir Gabdýllin málim etti, dep habarlaidy "Ult aqparat" Sports.kz saityna silteme jasap.
«Naýryzdyń basynda ulttyq quramany qalyptastyratyn Resei chempionatyna federaldyq okrýgter boiynsha irikteý kezeńi bastalady. Biyl okrýgterdegi keibir chempionattarda áielder quramasyna irikteý de bastalatyny óte mańyzdy», - dedi Gabdýlllin.
Eske sala ketsek, taiaýda Almatyda aralas jekpe-jekten Naiza FC 29 jarysy aiaqtaldy. Qazaqstandyq feiter Serik Razgaliev kásibi mansabyndaǵy altynshy jekpe-jegin jeńispen aiaqtady. Onyń qarsylasy Qyrǵyzstan sportshysy Manas Temirbekov bolǵan.
