Foto: ashyq derekkóz
Áleýmettik jelilerde azamattardyń jeke derekteriniń taralýy týraly habarlamalarǵa bailanysty QR Tsifrlyq damý, innovatsiialar jáne aeroǵarysh ónerkásibi ministrligi tergeý sharalaryn júrgizýde, dep habarlaidy Ult.kz.
Aqparattyq qaýipsizdik komiteti quqyq qorǵaý jáne arnaiy organdarmen birlesip, derekterdiń shynaiylyǵy men olardyń taralý kózin anyqtaý jumystaryn qolǵa aldy.
"Alǵashqy tekserý nátijeleri derekterdiń memlekettik emes, iaǵni jekemenshik aqparattyq júielerden alynǵan bolýy múmkin ekenin kórsetedi. Qazirgi ýaqytta memlekettik aqparattyq júielerden derekterdiń taralýy nemese hakerlik shabýyldar nátijesinde buzylý jaǵdailary anyqtalǵan joq", – delingen ministrlik habarlamasynda.
Eger azamattardyń derekteri taralsa, olarǵa eGov portaly arqyly jeke kabinetine habarlama jiberiledi.
Buǵan deiingi uqsas jaǵdailarda aqparat qyzmet kórsetý salasy men mikroqarjy uiymdarynyń eski bazalarynan alynǵany belgili bolǵan.
Ministrlik jaǵdaidy muqiiat baqylaýda ustap otyr. Qosymsha aqparat tekserý aiaqtalǵannan keiin jariialanatyn bolady.
Aita keteiik, TSARKA Qazaqstan halqynyń derbes derekteriniń jappai taralýyn rastady. Internette 16,3 mln adamnyń JSN, mekenjailary, telefon nómirleri men meditsinalyq mekemelerden alynǵan málimetteri taralǵan. Qujat «Qazaqstan turǵyndary 2024» dep beiresmi atalǵan.
