Foto: t.me/@Vadim Boreiko
Aqparat jáne qoǵamdyq damý ministrligi Almatyda operatordyń eki birdei kóliginiń órtenýine bailanysty málimdeme jasady, dep habarlaidy "Ult aqparat" vedomstvonyń baspasóz qyzmetine silteme jasap.
"QR Aqparat jáne qoǵamdyq damý ministrligi keshe túnde jýrnalist Vadim Boreikonyń áriptesine qatysty bolǵan oqiǵa boiynsha mynany málimdeidi.
Almaty qalasynyń Ishki ister departamenti sotqa deiingi tergep-tekserý amaldaryn jasap, tiisti saraptama taǵaiyndady. Máseleniń mán-jaiy naqtylanyp jatyr.
QR AQDM jýrnalistik qyzmetke kedergi keltirýge jol bermeidi jáne barlyq qajetti kómekti kórsetedi" - delingen habarlamada.
Eske sala keteiik, belgili jýrnalist Vadim Boreiko belgisiz bireýler ózimen birge jumys isteitin operatordyń eki kóligin jaryp jibergenin habarlaǵan edi.
