QR Syrtqy ister ministrligi keibir sheteldik buqaralyq aqparat quraldaryndaǵy jariialanymdarǵa qatysty pikir bildirdi, dep habarlaidy "Ult aqparat".
«Elimizde tótenshe jaǵdai engizilgennen beri qalyptasqan ahýalǵa bailanysty sheteldik BAQ-taǵy birqatar jariialanymdar atústi jáne birjaqty sipatta boldy. Osy oraida QR Syrtqy ister ministrligi kelesini atap ótýdi jón sanaidy.
Mańǵystaý oblysy men eldiń barlyq iri qalalarynda beibit mitingter ótti. Olardyń talaptary tolyq qanaǵattandyryldy. Alaida, terrorshyl, ekstremistik jáne qylmystyq toptar shielenis pen zorlyq-zombylyqty ýshyqtyrý úshin bul jaǵdaidy óz múddesine paidalanyp aldy. Osyǵan bailanysty elde tótenshe jaǵdai jariialandy.
Almaty qalasyndaǵy jáne eldiń basqa da óńirlerindegi oqiǵalar kórsetkendei, Qazaqstan shetelde daiyndyqtan ótken jáne jaqsy úilestirilgen terrorshyl toptardyń shabýylyna tap boldy. Aldyn ala málimetke qaraǵanda, shabýylshylardyń arasynda janjal aimaqtarynda dini radikaldyq toptardyń qatarynda qaqtyǵystarǵa qatysý tájiribesine ie adamdar bar.
Qazirgi ýaqytta Qazaqstannyń quqyq qorǵaý organdary men Qarýly kúshteri, keibir sheteldik BAQ burmalap kórsetkendei, «beibit sipattaǵy narazy toptarǵa» emes, terroristerge qarsy turýda.
Qalyptasqan jaǵdaida, Qazaqstan Ujymdyq qaýipsizdik týraly shart uiymyna (UQShU) kómekke júginýge májbúr boldy, ol jaǵdaidy turaqtandyrý maqsatynda jalpy sany 2 500 adam quraityn bitimgershilik kúshin jiberdi. Bitimgershilerdiń mandatyna strategiialyq nysandardy kúzetý jáne qazaqstandyq quqyq qorǵaý kúshterine járdemdesý kiredi.
Terrorshyl toptarǵa qarsy negizgi is-qimyldy Qazaqstannyń quqyq qorǵaý organdary men Qarýly kúshteri júrgizetinine nazar aýdaramyz.
UQShU-dyń bitimgershilik kúshteri Qazaqstanda ýaqytsha negizde bolatynyn jáne jaǵdai turaqtalǵan soń Qazaqstan tarapynyń birinshi suraýy túsken kezde óz elderine oralatynyn atap ótken jón.
Narazylyq mitingteriniń beibit qatysýshalyry eshqandai qýdalaýǵa ushyramaityny asa mańyzdy.
Quqyq qorǵaý organdaryna qalyptasqan jaǵdaidyń sebepterine keshendi tergeý júrgizý tapsyryldy, onyń nátijeleri halyqaralyq qoǵamdastyqqa jetkiziletin bolady.
Qazaqstan halqynyń yntymaǵyn jáne Prezident Qasym-Jomart Toqaevtyń beibit ómirdi qalpyna keltirý jónindegi sheshimderi men sharalaryna qoldaýyn atap ótken jón.
Qazaqstan demokratiia men el Konstitýtsiiasyn dini radikaldar men terrorshyldardan tabandylyqpen qorǵaýǵa daiyn!
Ókinishke orai, qaqtyǵystardyń saldarynan elimizdiń azamattary, sonyń ishinde quqyq qorǵaý organdarynyń qyzmetkerleri men áskeriler qaza tapty.
Osyǵan bailanysty, 2022 j. 10 qańtar elimizde jalpyulttyq aza tutý kúni bolyp jariialandy», - delingen vedomstvo málimetinde.
