Foto: Tengrinews.kz
Qorǵanys ministrligi Reseige áskeri tehnikany tasymaldaý týraly áleýmettik jelilerde jariialanǵan aqparatqa qatysty túsinikteme berdi, - dep habarlaidy "Ult aqparat" vedomstvonyń baspasóz qyzmetine silteme jasap.
"Qazaqstandyq áskeri tehnikany Resei Federatsiiasyna jóneltip jatyr degen málimetter shyndyqqa janaspaidy. Atalǵan áskeri tehnikanyń Qazaqstan Respýblikasyna qatysy joq, bul halyqaralyq ýaǵdalastyqtar sheńberinde Qazaqstan aýmaǵy arqyly Reseige josparly jóndeý júrgizý úshin jiberilip jatqan úshinshi eldiń menshigi bolyp tabylady.
2022 jyldyń 27 tamyzynan bastap Qazaqstanda qarý-jaraq pen áskeri tehnikany eksporttaýǵa tyiym salynǵanyn aita ketken jón. Osyǵan bailanysty, azamattardan negizsiz materialdarǵa mán bermei, tek resmi derekkózderge senýin suraimyz" - delingen habarlamada.
