Taýarlar men kórsetiletin qyzmetterdiń sapasy men qaýipsizdigin baqylaý komitetiniń tóraǵasy Liýdmila Biýrabekova elimizde kúshine engen mindetti áleýmettik meditsinalyq saqtandyrý júiesine qatysty Whats App-ta taraǵan jalǵan aqparatqa senbeýge shaqyrdy, dep habarlaidy QazAqparat.
«Qazir Whats App messendjeri arqyly densaýlyq saqtaýǵa qatysty jańa kodekstiń qabyldanǵany týraly habar tarap júr. Aýdiofailmen taratylǵan aqparatta mindetti túrde kelisimge otyrý kerektigi aitylady. Bul jalǵan aqparat ekenin aitqymyz keledi. Aýdiofaildy tyńdasańyz, áńgime Resei Federatsiiasy jáne meditsinalyq saqtandyrýǵa qatysty federaldy zańnama týraly aitylyp otyrǵanyn uǵasyz. Bizdiń zańnamaǵa onyń túk qatysy joq», - dedi Liýdmila Biýrabekova OKQ-da ótken baspasóz máslihatynda.
Komitet basshysy messendjerler arqyly taraǵan bul aqparatqa senbeýge shaqyrdy.
«Bul habarlamalardy taratqan adamdardy jaýapkershilikke tartý týraly quqyq qorǵaý organdaryna júginemiz», - dedi ol.
