Qazaqstanda kiik sany 334 myńǵa jetti. Bul týraly búgin Senattaǵy «Qazaqstandaǵy biologiialyq alýantúrliliktiń saqtalýyn zańnamalyq qamtamasyz etýdiń ózekti máseleleri» atty Úkimet saǵatynda QR Ekologiia, geologiia jáne tabiǵi resýrstar vitse-ministri Erlan Nysanbaev aitty, dep habarlaidy QazAqparat .
«Qorǵaýdyń eń mańyzdy nysandarynyń biri kiikter bolyp otyr. Bul jabaiy dala bókeniniń biregei túri sanalady. Búgingi kúni Qazaqstan Respýblikasynyń aýmaǵynda kiikterdiń álemdik popýliatsiiasynyń 95 paiyzy tirshilik etedi. 2019 jylǵy júrgizilgen esepteý qorytyndysyna sáikes, olardyń sany 334 myńdy qurady», - dedi Erlan Nysanbaev.
Onyń aitýynsha, 2015 jyly kiikter jappai qyrylǵannan keiin janýarlardyń ólimine ne sebep bolǵandyǵyn anyqtaý jónindegi arnaiy jumys toby qurylǵan.
«Jumys qorytyndysy boiynsha kiik tuqymynyń aýrýdan jappai qyrylýyna jol bermeý jóninde is-sharalar jospary qabyldanyp, múddeli memlekettik organdarmen kelisildi. Odan keiin ol Bilim jáne ǵylym ministrligi Ǵylym jónindegi komitetiniń qaraýyna jiberildi. Taiaý ýaqytta biz Qarjy ministrligine atalǵan jospardy qarjylandyrý úshin usynys jiberetin bolamyz», - dedi vitse-ministr.
Aita keteiik, 2018 jyly elimizdegi kiikterdiń sany 215 100 bolǵan edi.
