Elimizdegi úsh óńirdiń qala halqy 100 paiyz aýzysýmen qamtylǵan. Bul týraly QR Indýstriia jáne infraqurylymdyq damý ministrligi Qurylys jáne turǵyn úi-kommýnaldyq sharýashylyq isteri komiteti tóraǵasynyń orynbasary Beibit Shahanov aitty, dep habarlaidy QazAqparat.
«2020 jyldyń qorytyndysy boiynsha eldegi sýmen jabdyqtaý qyzmetterine qoljetimdilik 94,1% qurady, onyń ishinde aýyldarda – 90,1%, qalalarda – 97,5%. Bul, 17,7 millionnan astam adam degen sóz», - dedi ol Ortalyq kommýnikatsiialar qyzmetine ótken brifingide.
Sondai-aq, ol aimaqtardyń halyqty aýyzsýmen qamtamasyz etý kórsetkishterine toqtaldy.
«Soltústik Qazaqstan, Mańǵystaý jáne Atyraý oblystarynda qala halqy 100% sýmen jabdyqtaý qyzmetterimen qamtylǵan. Aýyzsýǵa eń tómen qoljetimdilik Jambyl oblysynda baiqalýda – 88,9%.
Sondai-aq, aýyldyq jerlerdegi sýmen jabdyqtaýǵa eń joǵary qoljetimdilik Almaty (98,3%), Atyraý (98,5%) jáne Qyzylorda (97,6%) oblystarynda tirkeldi.
Aýyldyq jerlerdegi sýmen jabdyqtaýǵa eń tómengi qoljetimdilik Qostanai (64,7%), Shyǵys Qazaqstan (81,4%), Soltústik Qazaqstan (82,2%) jáne Jambyl (82,2%) oblystarynda baiqalýda», - dedi komitet ókili.
