Foto: ashyq derekkóz
QR Eńbek jáne halyqty áleýmettik qorǵaý ministrligi 6 balasy joq kópbalaly otbasylar memlekettik járdemaqydan aiyrylýy múmkin degen aqparatty joqqa shyǵardy, dep habarlaidy Ult.kz.
Sońǵy kúnderi birqatar BAQ pen áleýmettik jeli paraqshalarynda tek 6 jáne odan da kóp balasy bar otbasylar ǵana kópbalaly dep tanylady degen jalǵan aqparat taraǵan.
Ministrliktiń resmi málimetinshe, qoldanystaǵy zańnamaǵa sáikes, 4 jáne odan da kóp kámeletke tolmaǵan nemese kúndizgi bólimde oqityn 23 jasqa deiingi balalary bar otbasylar kópbalaly otbasy mártebesin ielenedi. Bul otbasylarǵa ai saiynǵy memlekettik járdemaqy tólenedi, jáne ol tabysqa qaramastan beriledi.
2025 jyly kópbalaly otbasylarǵa beriletin járdemaqy mólsheri:
-
4 balaǵa – 63 030 teńge
-
5 balaǵa – 78 798 teńge
-
6 balaǵa – 94 565 teńge
-
7 balaǵa – 110 332 teńge
-
8 jáne odan kóp balaǵa – ár balaǵa 15 728 teńge
Sondai-aq, 6 jáne odan da kóp bala týǵan analarǵa «Kúmis alqa», «Altyn alqa» syndy marapattary bolǵan jaǵdaida qosymsha járdemaqy tólenedi:
-
«Kúmis alqa» iegerine – 25 165 teńge
-
«Altyn alqa», «Batyr ana» nemese «Ana dańqy» ordenderimen marapattalǵandarǵa – 29 097 teńge
Ministrlik azamattardy tek resmi aqparat kózderine senýge jáne jalǵan aqparat taratpaýǵa shaqyrdy. Mundai áreketter zań boiynsha jaýapkershilikke ákelýi múmkin.
