Foto: t.me/KZgovernment
Densaýlyq saqtaý ministri Ajar Ǵiniiat ólimnen keiingi aǵza donorlyǵy týraly pikir bildirdi, - dep habarlaidy "Ult aqparat" QazAqparat agenttigine silteme jasap.
Májilis otyrysynan keiin BAQ ókilderine suhbat bergen vedomstvo basshysy qaitys bolǵannan keiin aǵzasyn donorlyqqa berýge kelisetinin aitty.
«Jeke siz ólimnen keiingi aǵza donorlyǵyna kelisim beresiz be?» - degen suraqqa ol «kelisemin jáne nietimdi bildirdim» dep jaýap berdi.
Sondai-aq, ministr osy másele týraly arnaiy registrde 40 myńnan astam adam pikir bildirgenin aitty.
«Adam ómirin saqtaý úshin keibir qaitys bolǵan adamdar nemese olardyń týystary óz aǵzalaryn qiyn jaǵdaida júrgen, sozylmaly aýrýlary bar, júregin, búiregin almastyrýdy qajet etetin adamdarǵa aǵzasyn bere alady. Zań júzinde oǵan qajetti barlyq norma bar. Sonymen qatar ministrlik janyndaǵy mekemede jasalǵan elektrondy registr bar. Bizdiń árbir kámeletke tolǵan azamat sol registrde óz aǵzasyn ólgennen keiin basqa muqtaj adamǵa berý máselesi boiynsha paiymyn jazyp kete alady. Búgingi tańda 40 myńnan astam el azamaty osy registrde oiyn bildiripti. Sonyń 15 paiyzy qaitys bolǵannan keiin óz aǵzasyn basqa azamattardyń ómirin saqtaý úshin berýge kelisetinin aitqan.
Bul másele qoǵamnyń keshendi talqylaýy arqyly rettelý kerek. Ministrlik bul baǵytta aýqymdy túsindirý jumystaryn júrgizip jatyr», - dedi Ajar Ǵiniiat.
