QR Aqparat jáne qoǵamdyq damý ministri Dáýren Abaev karantinniń kúsheitilgen rejiminde BAQ redaktsiialaryna úndeý jasady, dep habarlaidy QazAqparat.
«Arnaiy buqaralyq aqparat quraldarynyń redaktsiialaryna aitarymyz, qyzmetkerlerdi qashyqtan jumys isteýge jiberý qajet. Qalada jumys babymen júrý úshin jýrnalistiń ózimen birge qyzmettik kýáligi jáne redaktsiialyq tapsyrma týraly anyqtama bolýy qajet. Anyqtamany telefonnan da kórsetýge bolady», - dedi Dáýren Abaev «Habar 24» telearnasynyń tikelei efirinde.
Sonymen birge, ministr karantinniń kúsheitilgen rejiminde turǵyndardyń aýrýhanaǵa bara alatynyn jetkizdi.
«Dárigerge kórinýi kerek azamattar aýrýhanaǵa bara alady. Bul dáleldi sebep bolyp sanalady», - dedi D. Abaev.
Eske sala ketsek, qazirgi ýaqytta koronavirýs infektsiiasymen Nur-Sultan qalasy boiynsha 60 adam, Almaty qalasynda – 48 adam, Qaraǵandy qalasynda - 4, Jambyl oblysynda -3 adam, Atyraý oblysy - 3 adam, Shymkent qalasynda - 2 adam, Almaty oblysynda - 1 adam, Aqtóbe oblysynda - 1 adam, Soltústik Qazaqstan oblysynda - 1 adam, Aqmola oblysynda - 1 adam, Pavlodar oblysynda - 1 adam, jalpy 125 naýqas tirkeldi.
