Indýstriia jáne infraqurylymdyq damý ministri Qaiyrbek Óskenbaev Oraldan Atyraýǵa deiin kólikpen júrip ótip, joldaǵy qurylys jumystarynyń jai-kúiimen egjei-tegjeili tanysýdy josparlap otyr. Vedomstvo basshysy bul týraly áleýmettik jelidegi paraqshasynda jazdy, dep habarlaidy QazAqparat.
«Negizgi maqsatym – óńirdegi respýblikalyq mańyzy bar joldardaǵy jóndeý jumystaryn qadaǵalaý. Aldaǵy eki kúnde Oraldan Atyraýǵa deiin kólikpen júrip ótip, joldaǵy qurylys jumystarynyń jai-kúiimen egjei-tegjeili tanysýdy josparlap otyrmyn. Negizinde, jumys ornynda otyryp, máseleni syrttai baqylap, tapsyrma berý - bir basqa. «Júz ret estigenshe, bir ret kór» demekshi, jumystar júrgizilip jatqan jerge kelip, óz kózińmen kórý - bólek», – dep jazdy Qaiyrbek Óskenbaev.
Ministr Oral – Kaztalovka aýyly, Kaztalovka – Jánibek – RF shekarasy, Ónege – Bisen – Saiqyn, Han Ordasy aýyly – Qurmanǵazy aýyly (Ganiýshkino), Atyraý – Astrahan baǵyty boiynsha júrip ótpek.
Vedomstvo basshysy qazir Batys Qazaqstan oblysyndaǵy «Kaztalovka – Jánibek – RF shekarasy» jáne «Ónege – Bisen – Saiqyn» avtojoldarynda, iaǵni jalpy uzyndyǵy 248 shaqyrym bolatyn nysanda kúrdeli jóndeý jumystary júrip jatqandyǵyna toqtalady. Munyń 55 shaqyrymy paidalanýǵa berilgenin atap ótken.
Buǵan deiin habarlanǵanyndai, BQO-da jol jóndeý jumystaryna 15 mlrd teńge bólingen.
