Arhitektor 17 jyl boiy áielderdi óltirip, máiitterdi tasjol boiyna kómip júrgen: Maniakty ustaýǵa ne kómektesti? Arhitektor 17 jyl boiy áielderdi óltirip, máiitterdi tasjol boiyna kómip júrgen: Maniakty ustaýǵa ne kómektesti? Qaraǵandy oblysyndaǵy jańa qýat kózderi, gazdandyrý jáne jylý: Nurlybek Nálibaev óńirdegi negizgi jobalarmen tanysty Qaraǵandy oblysyndaǵy jańa qýat kózderi, gazdandyrý jáne jylý: Nurlybek Nálibaev óńirdegi negizgi jobalarmen tanysty
Aimaq

Ministr jańa oblystardaǵy kólikterge qandai kod berilýi múmkin ekenin aitty

Ult portaly
Ministr jańa oblystardaǵy kólikterge qandai kod berilýi múmkin ekenin aitty


Ulttyq ekonomika ministri Álibek Qýantyrov Qazaqstannyń jańa oblystaryndaǵy avtomobil nómirlerine qandai kodtar berilýi múmkin ekenin aitty, - dep habarlaidy Tengrinews.kz.

"Másele IIM-ge qatysty. Biraq qisynǵa salsa, 18, 19, 20 nómirleri alfavittik retpen bolady dep oilaimyn. Bul suraqtyń naqty jaýabyn bilmeimin. Bul másele bizben tipti talqylanbaǵan, bul bizdiń quzyretimizde emes", - dep jaýap berdi Qýantyrov.

Jańa oblystarǵa kodtar álipbi tártibimen berilse, Abai oblysynda - 18-óńir, Jetisý oblysynda - 19, Ulytaý oblysynda - 20-óńir bolady.

Eske salaiyq, 8 maýsymda Qazaqstan Prezidentiniń 4 mamyrdaǵy jańa óńirler qurý týraly Jarlyǵy kúshine endi.

Ulytaý oblysy - eń úlken óńirlerdiń biri, eki aýdannan turady - Jańarqa, Ulytaý, oblystaǵy úsh qala - Jezqazǵan, Qarajal jáne Sátbaev. Jezqazǵan - mys ónerkásibiniń ortalyǵy, ol aimaqtyń ákimshilik ortalyǵyna ainalǵan. Jańa oblystyń halqy shamamen 226 myń adam bolýy tiis.

Abai oblysy Shyǵys Qazaqstan oblysynan bólingen. Keńes zamanynda onyń aýmaǵynda Semei oblysy ornalasqan. Óńir ortalyǵy Semei qalasy boldy. Oblysqa segiz aýdan kirdi: Aqsýat, Abai, Aiagóz, Besqaraǵai, Borodýliha, Jarma, Kókpekti jáne Úrjar, sondai-aq, eki qala - Semei jáne Kýrchatov. Oblys halqy shamamen 640 myń adam bolýy tiis.

Almaty oblysy quramynan bólingen oblys - Jetisý oblysy. Onda 650 myńǵa jýyq adam turady. Oblystyń ákimshilik ortalyǵy Almaty oblysynyń burynǵy ortalyǵy - Taldyqorǵanda ornalasqan. Oblysqa segiz aýdan jáne eki qala kirdi - Aqsý, Alakól, Eskeldi, Qaratal, Kerbulaq, Kóksý, Panfilov, Sarqan aýdandary, Taldyqorǵan jáne Tekeli qalalary.

Ulytaý oblysynyń ákimi bolyp Berik Ábdiǵaliuly taǵaiyndaldy.

Marat Sultanǵaziev Almaty oblysynyń ákimi boldy.

Beibit Isabaev Jetisý oblysynyń ákimi bolyp taǵaiyndaldy.

Oqi otyryńyz