QR Ekologiia, geologiia jáne tabiǵi resýrstar ministri Maǵzum Myrzaǵaliev elimizdiń jańa Ekologiialyq kodeksi qandai bolýy kerektigin aitty, dep habarlaidy QazAqparat.
«Eń aldymen Ekologiialyq kodeks - bul túbegeili jańa, óte keshendi qujat. Ol bizge ekologiialyq problemalardy sheshýge ne bolmasa memlekettik organdarmen qatar lastaýshylardy da yntalandyrýǵa múmkindik beredi», - dedi ministr ekologiialyq kodeksti talqylaýǵa arnalǵan shara aiasynda.
Onyń sózine qaraǵanda, Ekologiialyq kodekste lastaýshy tóleýmen qatar tazalaýy da tiis delingen Ekonomikalyq yntymaqtastyq jáne damý uiymynyń negizgi ustanymdaryn basshylyqqa alatyn bolady.
«Búgin atalǵan qujatty talqylap jatyrmyz. Jasyl, sonymen qatar ónerkásiptik uiymdardyń pikirlerin eskere otyryp ol belgili bir deńgeide ózgeristerge ushyraityndyǵy túsinikti de. Ekologiialyq kodeks teńgerimdi bolýy tiis. Sebebi ol bizdiń ekonomikamyzdy kórsetip jáne bizdi ekologiia turǵysynda aitarlyqtai ózgeristerge ákelýi tiis. Qujat taiaý kúnderdiń ishinde tyńǵylyqty zerlenbek. Odan keiin qujatty jeltoqsan aiynda Parlamentke engizý úshin barlyq múddeli uiymdarǵa, memlekettik organdarǵa kelisýge jiberemiz. Negizgi talqylaýlar Parlamentte ótedi», -dedi Maǵzum Myrzaǵaliev.
