QR Densaýlyq saqtaý ministri Eljan Birtanov BAQ ókilderine brakonerler jaralaǵan «Ohotzooprom» qoryqshysy Samat Ospanovtyń densaýlyǵy týraly aitty, dep habarlaidy "Ult aqparat".
«Ohotzooprom» qoryqshysynyń jaǵdaiy tikelei meniń baqylaýymda. Kún saiyn onyń jaǵdaiy týraly aqparat kelip turady. Dál qazir onyń jaǵdaiy ortasha aýyr dep baǵalanyp otyr. Ómirine qaýip tónip turǵan joq. Tolyq em alýyn jalǵastyrady», - dedi ministr.
Eske sala keteiik, 23 shildede Aqmola oblysy Birsýat aýylynda tórt qoryqshy kiikti qorǵaý maqsatynda óńirdi kólikpen sholýǵa shyqqan.
Olar "Niva" kóligin mingen brakonerlerdiń ústinen túsip, tártip buzýshylar qoryqshylarǵa oq jaýdyrady. Oqiǵa saldarynan jaraqat alǵan Qanysh Nurtazin kóz jumdy. Ekinshi qoryqshy Samat Ospanov keýdesi men iyǵynan jaraqat alyp, qazir aýrýhanada jatyr.
Aqmola politseileri "Ohotzooprom" inspektorlaryna shabýyldady degen kúdikpen eki adamdy ustady. Resmi málimetke sáikes, 45 jastaǵy kúdikti men onyń 20 jastaǵy uly – Arqalyq turǵyndary.
Qazaqstan prezidenti Qasym-Jomart Toqaev marqum Qanysh Nurtazin men zardap shekken Samat Ospanovty erligi úshin marapattady.
