QR Densaýlyq saqtaý ministri Eljan Birtanov Almaty mańynda «Bek Air» ushaǵynyń apatqa ushyraýy saldarynan zardap shekkenderdiń emine ketken shyǵyndaryn kim tóleitindigin aitty, dep habarlaidy "Ult aqparat".
«Emdeý tegin bolady. Sebebi bul - shuǵyl jaǵdai. Ol meditsinalyq kómektiń kepildendirilgen kólemine kiredi», - dedi Úkimet otyrysynan keiin BAQ ókilderine suhbat bergen Eljan Birtanov.
Sonymen qatar, ol zardap shegýshi azamatty emdelýden keiin saýyqtyrýǵa bailanysty barlyq kómek mindetti áleýmettik meditsinalyq saqtandyrý aiasynda kórsetiletindigin atap ótti.
«Bul patsientterdiń barlyǵyn baqylaýda ustaimyz. Psihologtar kómeginiń munan ary da jalǵasqany mańyzdy. Materialdyq kómekke qatysty aitar bolsaq, ony kimge qansha jáne qandai kómek kórsetý kerektigin jergilikti atqarýshy organdar sheshedi», - dedi ministr.
Buǵan deiin ushaq apatynan zardap shekken 3 adamnyń aýrýhanadan shyqqanyn habarlaǵan edik.
