Eldiń birneshe óńirinde koronavirýs infektsiiasynan ólim-jitim kóbeiýi múmkin. Bul týraly Densaýlyq saqtaý ministri Aleksei Tsoi COVID-19 taralýyna jol bermeý jónindegi VAK-tyń búgingi otyrysynda málimdedi, dep habarlaidy "Ult aqparat".
Ministrdiń aitýynsha, barlyq óńirde syrqattaný jaǵdailary kóbeiip barady. Aldyńǵy eki aptamen salystyrǵanda syrqattaný 1,9 ese ósken. Densaýlyq saqtaý júiesi ótken jylmen salystyrǵanda eki ese júktememen jumys isteidi. Osyǵan bailanysty VAK karantin rejimin kúsheitý jónindegi birqatar sharalardy qarady.
"Barlyq óńirde syrqattanýshylyqtyń ósýi jalǵasyp jatyr. Aldyńǵy eki aptamen salystyrǵanda syrqattaný 1,9 ese ósti, eń kóp Soltústik Qazaqstan oblysynda - 3,5 ese, Qyzylorda oblysynda - 3 ese, Aqtóbe oblysynda - 2,9 ese, Túrkistan oblysynda jáne Shymkent qalasynda - 2,5 ese ósýi baiqalady", - dedi Tsoi.
Maýsym aiymen salystyrǵanda táýliktegi ortasha syrqattaný 5,2 ese ósken. Jalpy respýblika boiynsha ólim jaǵdailarynyń sany 2 aptanyń ishinde 1,8 esege, onyń ishinde Aqtóbe oblysynda 8,5 esege, Shymkent qalasynda jáne Atyraý oblysynda 2,8 esege artqan.
Biylǵy 26 shildedegi jaǵdai boiynsha 1 shildemen salystyrǵanda elde infektsiialyq jáne reanimatsiialyq tósek-ornynyń 3 ese ulǵaiǵany baiqalypty. Osyǵan bailanysty elimizde tósek-oryn qory 1,4 esege artqan.
Ministrdiń aitýynsha, bul kezeńde infektsiialyq jáne reanimatsiialyq tósek-orynnyń eń kóp toltyrylýy Almaty, Shymkent qalalary, Aqtóbe, Túrkistan jáne Qyzylorda oblystarynda baiqalǵan. Tósek qorynyń kúndelikti monitoringine sáikes, óńirlerde 26 shildedegi jaǵdai boiynsha respýblikada infektsiialyq tósek-oryndardyń tolýy 55 paiyz, reanimatsiialyq tósek-oryndar 43 paiyz bolǵan.
Infektsiialyq tósek-oryndarynyń eń kóp toltyrylýy Aqtóbe oblysynda - 73 paiyz, Qyzylorda oblysynda - 73 paiyz, Nur-Sultan qalasynda - 76 paiyz jáne Shymkent qalasynda - 81 paiyz, reanimatsiialyq tósek-oryndarynyń eń kóp toltyrylýy Aqmola oblysynda - 69 paiyz, Nur-Sultan qalasynda - 84 paiyz jáne Shymkent qalasynda - 63 paiyz.
"Qazirgi ýaqytta densaýlyq saqtaý júiesi ótken jylmen salystyrǵanda eki ese júktememen jumys istep jatyr. Byltyr syrqattaný 3 348 jaǵdaiǵa jetse, biylǵy shildede syrqattaný jaǵdailarynyń ósýi 2 eseden astam bolǵan. Sondai-aq, emdelip jatqan patsientter sany 2 esege artty. Birqatar óńirde infektsiialyq jáne reanimatsiialyq tósek-oryn tapshylyǵy bolýy múmkin, bul respýblika halqy arasynda ólimniń kúrt ósýine ákelýi múmkin. Táýekel aimaǵynda Nur-Sultan, Shymkent, Aqtóbe, Aqmola jáne Qyzylorda oblystary bar", - dedi Tsoi.
Osyǵan bailanysty Densaýlyq saqtaý ministrliginiń basshysy KVI diagnozyn qoiý úshin meditsinalyq-sanitariialyq alǵashqy kómektiń, mobildi brigadalardyń, PTR-zerthanalardyń, KT jáne rentgen diagnostikasynyń úzdiksiz jumysyn qamtamasyz etý, sondai-aq KVI diagnostikasy men emdeýdiń klinikalyq hattamasyna sáikes dárilik preparattarmen ýaqtyly ambýlatoriialyq qamtamasyz etý boiynsha sharalar qabyldaý keregin atap ótti.
Sondai-aq, Tsoi qoldanylyp otyrǵan karantin sharalaryna qaramastan, birqatar óńirde kóp adam baratyn jáne karantindi óreskel buzý faktileri anyqtalǵan saltanatty is-sharalardy ótkizý jalǵasyp jatqanyna nazar aýdardy. Osyǵan bailanysty ol jergilikti atqarýshy organdarǵa monitoring toptarynyń jumysyn kúsheitýdi tapsyrýdy surady.
KVI juqtyrý men odan bolatyn ólimniń turaqty ósýin eskere otyryp, Densaýlyq saqtaý ministrligi biylǵy 2 tamyzdan bastap Nur-Sultan, Almaty, Shymkent, Atyraý jáne Qaraǵandy qalalarynda qosymsha sharalar qabyldaýdy usyndy. Onyń ishinde, ortalyq memlekettik organdardy, ákimdikterdi, quqyq qorǵaý organdaryn, densaýlyq saqtaý uiymdaryn, BAQ-ty, azyq-túlik dúkenderin, dárihanalardy jáne tirshilikti qamtamasyz etý uiymdaryn qospaǵanda, menshik nysanyna qaramastan, Ashyq-qa qatyspaityn barlyq kásiporyn men uiymdardyń qyzmetin toqtata turýdy usyndy.
Oiyn-saýyq, sporttyq jáne basqa da buqaralyq is-sharalardy, sondai-aq otbasylyq, estelik is-sharalardy ótkizýge tyiym salýdy usyndy. Memlekettik organdar qyzmetkerleriniń 80 paiyzy úshin qashyqtyqtan jumys isteý nysanyn saqtaýdy usyndy.
Ashyq-qa qatysatyn jobalar úshin qyzmetti 20-00 saǵatqa deiin, Ashyq kóshbasshylary úshin qyzmetti 22.00-ge deiin shekteý usynyldy. Bul rette, quqyqbuzýshylarǵa qoiylatyn talaptardy kúsheitý: chekin kezinde 0-den 20-ǵa deiin 1 aiǵa aldyn ala eskertýsiz, quqyqbuzýshylyqqa qaita jol berse - 2 aiǵa jobadan shyǵarý usynyldy.
