QR Bilim jáne ǵylym ministri Ashat Aimaǵambetov koronavirýsqa qarsy otandyq vaktsinany shyǵarýǵa qatysty túsinik berdi, dep habarlaidy QazAqparat.
«Tiisti standarttar boiynsha jumystar atqarylyp jatyr. Biologiialyq qaýipsizdik problemalary ǵylymi-zertteý institýty tarapynnan qamtylǵan vaktsinaǵa toqtalsaq, barlyq rásimder bekitilgen kestege sáikes júrigizilip otyr. Bul rette eshqandai problema joq. Bizdiń áriptester 50 myń doza boiynsha qajetti jumystar júrgizdi. Hattama boiynsha únemi himiialyq taldaý men biologiialyq qadaǵalaý júrgiziledi. Qazir biologiialyq qadaǵalaýdy aiaqtap jatyr. Kestege sáikes, biylǵy sáýir aiynyń sońyna qarai, 20-synan keiin qujattardy Densaýlyq saqtaý ministrligine tapsyramyz. Olar nátijelerge taldaý jasai otyryp, tiisti sheshim qabyldaityn bolady. Sondyqtan sál sabyrlyq tanytyp, bizdiń ǵalymdarǵa qoldaý jasaiyq», - dedi ministr Ortalyq kommýnikatsiialar qyzmetinde.
Osy oraida Aimaǵambetov qazirgi ýaqytta ǵalymdar táýlik boiy jumys istep jatqanyn atap ótti. Ǵalymdarymyz bes platforma boiynsha vaktsina daiyndap jatyr.
«Sonymen qatar, bizdiń ǵalymdar koronavirýstyń «britandyq», «ońtústikafrikalyq» shtamdary boiynsha zertteý júrigizip jatyr», - dedi ministr.
