Qazaqstan Respýblikasy Mádeniet jáne sport ministri A.Raiymqulova 26 maýsym kúni saǵat 16-00-de «Memlekettik til jáne BAQ-2020» respýblikalyq baiqaýy jeńimpazdaryn onlain rejimde marapattaidy.
Qolyna qalam men mikrofon ustaǵan jýrnalisterdiń dástúrli dodasyn Qazaqstan Respýblikasy Mádeniet jáne sport ministrliginiń Til saiasaty komiteti jáne Shaisultan Shaiahmetov atyndaǵy «Til-Qazyna» ulttyq ǵylymi-praktikalyq ortalyǵy jyl saiyn uiymdastyryp keledi.
Baiqaý Erejesiniń talaptaryna sáikes, usynylǵan jýrnalistik eńbekterdiń mazmuny – memlekettik tildiń qyzmet etý aiasyn keńeitý, mártebesin nyǵaitý, qazirgi ahýalyn taldaý jáne oǵan monitoring júrgizýge baǵyttalýy shart.
Jeńimpazdar «Úzdik maqala», «Úzdik telebaǵdarlama», «Úzdik radiobaǵdarlama», «Úzdik sait maqalasy» nominatsiialary boiynsha marapattalady.
Konkýrsqa elimizdiń túkpir-túkpirinen 56 jýrnalist qatysyp, 116 material talqyǵa túsip otyr.
Atalym boiynsha jiktese, tómendegishe bolyp shyǵady:
1. «Úzdik maqala» boiynsha qatysýshylar sany – 24, materialdar sany – 49;
2. «Úzdik sait maqalasy» boiynsha qatysýshylar sany – 12, materialdar sany – 25;
3. «Úzdik radiobaǵdarlama» boiynsha qatysýshylar sany – 11, materialdar sany – 23;
4. «Úzdik telebaǵdarlama» boiynsha qatysýshylar sany – 9, materialdar sany – 19.
Elimizge belgili qalam qairatkerleri men tanymal jýrnalisterden qurylǵan Qazylar alqasynyń jaqynda ótken otyrysta qyzý talqylaýdan keiin qabyldaǵan ortaq sheshimi sol kúni saltanatty túrde jariia bolady.
Marapattaý rásimin tómendegi silteme boiynsha tikelei efir arqyly kóre alasyzdar: https://us02web.zoom.us/j/8440048030, Identifikator nómeri: 844 004 8030 (qajet bolǵan jaǵdaida).
