QR Densaýlyq saqtaý ministri Ajar Ǵiniiat Qazaqstanda maimyl shesheginiń tirkelmegenin aitty, dep habarlaidy QazAqparat.
«Bul virýstyq juqpaly aýrý, álemde sirek kezdesedi. Negizinen endemiialyq aýdandar men aimaqtarda bolady. Bul aýrý Batys Afrikadan taralyp jatyr, kóbinese Kongo, Nigeriiada kóp tirkelýde. Sharalar qabyldanǵanyna qaramastan, aýrý búkil álemge tarady. Qazirgi ýaqytta 24 el osy indettiń anyqtalǵanyn habarlady. Biraq negizinen Ulybritaniia, Portýgaliia, Ispaniia elderinde tirkelgen. Dúniejúzilik densaýlyq saqtaý uiymy tiisti usynymdaryn berip jatyr», - dedi Ajar Ǵiniiat Úkimette tilshilerge bergen suhbatynda.
Ministr Qazaqstanda maimyl shesheginiń esh tirkelmegenin aitty.
«Aýrýdyń negizgi belgileri – dene qyzýy, intoksikatsiia, álsizdik, bas aýrýy, teriniń bórtýi. Dúniejúzilik densaýlyq saqtaý uiymy búkil álem boiynsha osy belgiler baiqalǵandardy oqshaýlaýǵa jáne tekserýge keńes beredi. Búgingi tańda Qazaqstanda esh jaǵdai tirkelgen joq. Shekarada biz elimizge kelgenderdiń barlyǵyna termometriia júrgizemiz. Eger dene qyzýy, jiti respiratorlyq virýstyq infektsiialary bar adamdar tabylsa, barlyǵy infektsiialyq statsionarlarǵa, jeke palatalar men bokstarǵa oqshaýlanady, sodan keiin tekseriledi», - dep túsindirdi ministr.
Sondai-aq, onyń aitýynsha, Densaýlyq saqtaý ministrligi maimyl sheshegi boiynsha arnaiy diagnostika jáne aýrýdy rastaityn nemese teriske shyǵaratyn arnaiy testter ázirlegen.
«Halyqty vaktsinalaý belgili bir jaǵdailarda, búkil álemde nemese elde aýqymdy indet bolǵan kezde jáne bul infektsiia aýyr zardaptar men ólim qaýpin týdyrsa ǵana júrgiziledi. Búgingi tańda DDSU vaktsinalaý qajettigi týraly aitqan joq. 1980 jylǵa deiin bul aýrý óte keń taraǵan. Ázirge Qazaqstan halqyn vaktsinalaý máselesi kóterilgen joq, bul usynymdy DDSU-dan kútetin bolamyz. Maimyl sheshegine qarsy vaktsina joq. Bul virýs bizdiń elde tabylsa da, bizdiń mamandardyń jaqsy tájiribesi bar, olar daiyndalyp jatyr», - dedi A. Ǵiniiat.
