Ekologiia, geologiia jáne tabiǵi resýrstar ministri Serikqali Brekeshev Qostanai oblysyndaǵy orman órtiniń aldyn ala sebebin aitty, dep habarlaidy Sputnik Qazaqstan.
"Bastapqyda jalpy aýmaq 43,8 myń gektar boldy. Eger sý nysandary men aýyl sharýashylyǵy alqaptaryn alyp tastasaq, onda 40 myń gektarǵa jýyq. Onyń shamamen 35 myń gektary – orman alqaby otqa orandy", - dedi Brekeshev ortalyq kommýnikatsiialar qyzmetinde ótken baspasóz máslihatynda.
Aitýynsha, ministrlikten eki komissiia jumys istegen. Komissiianyń aldyn ala málimetinshe, búginde órtten kelgen tikelei shyǵyn 4 mlrd teńgege jýyqtap otyr.
"Ázirge bizden jumys istegen komissiia, sondai-aq vedomstvoaralyq komissiia órt tabiǵi emes degen nusqaǵa toqtady. Komissiialar muny qylmystyq is aiasynda tergep jatyr. Sol sebepti taiaý arada órttiń naqty sebepteri anyqtalady", - dedi ministr.
Ekologiia ministriniń málimetinshe, respýblikanyń memlekettik orman qorynyń jalpy aýmaǵy 30,5 mln gektardy quraidy. Vedomstvoǵa baǵynyshty 32 uiym ministrliktiń qaraýynda, olarǵa 7,4 mln gektar bekitilgen. Orman sharýashylyǵynyń 122 memlekettik mekemesi ákimdikterge qaraidy. Tiisinshe orman aýmaǵy 23 mln gektarǵa jýyq, bul búkil orman qorynyń 75%-i.
