© Photo: Shyǵys Qazaqstan oblysynyń politsiia departamenti
Qazaqstanda qos azamattyq faktilerine qarsy zańnama kúsheitiledi. Bul týraly Ishki ister ister ministri Marat Ahmetjanov málimdedi, dep habarlaidy Sputnik Qazaqstan.
Búginde qos azamattyqpen júrgen adamdar az emes. Olardy jyl saiyn anyqtap otyrady. Al jańa ózgeristen keiin qos azamattyq faktileri kúrt azaiýy tiis.
"Eger Qazaqstan azamaty basqa eldiń azamattyǵyn rastaityn qujatty alsa nemese ony paidalansa, onda bizdiń azamattyqtan dereý shyǵarylady. Qazirgi zańnamada mundai shekteý joq", - dedi Ahmetjanov Úkimet otyrysynda.
Ministrdiń aitýynsha, Úkimet pen Prezident ákimshiligi jańa ózgeristi qoldady. Ony kóshi-qonǵa qatysty zań jobasyna engizdi.
Qazirgi kezde qujat Parlamenttiń qaraýynda jatyr.
