Qazaqstanda kiik sanyn retteý úshin tereń ǵylymi zertteý jumysy bastalmaq. Bul týraly Ekologiia, geologiia jáne tabiǵi resýrstar ministri Serikqali Brekeshev málim etti, dep habarlaidy Ulysmedia.kz.
"Kiik sanyn qalpyna keltirý – sózsiz Qazaqstannyń jetistigi, kiiktiń álemdik popýliatsiiasynyń 95%-y elimizde. Kiik – qazaq úshin kieli janýar, ulttyq brendimiz de deýge bolady. Ony saýatty basqarý - bizdiń aldymyzda turǵan úlken mindet, barlyq pikirdi eskerip, mindetti túrde ǵylymi ortalyqtarmen aqyldasyp, máseleni júieli túrde sheshý kerek", - dedi ministr OKQ-de ótken brifingte.
Brekeshev Toqaevtyń synynan keiin ǵylymi uiymdar, memlekettik organdar, salalyq qaýymdastyq ókilderiniń qatysýymen kiik popýliatsiiasyn basqarýdyń jańa tásilderin qarastyrý máselesi boiynsha keńes ótkizgenin atap ótti.
"Mundai popýliatsiiany basqarý muqiiat daiyndyqty qajet etedi. Sondyqtan biz Zoologiia institýtymen tereń zertteý jumystaryn bastaimyz jáne qorytyndysyn, árine, jariialaimyz. Bul jumys birneshe jylǵa sozylýy múmkin", - dep túsindirdi ministr.
Vedomstvo basshysynyń sózinshe, ǵylymi zertteýler nátijesi boiynsha kiikterdiń sanyn retteýdiń balamaly ádisteri anyqtalady.
Eske salsaq, budan buryn Serikqali Brekshev Úkimet basshysynan kiik popýliatsiiasyn zertteý úshin aqsha bólýdi suraǵan.
