Eńbek jáne halyqty áleýmettik qorǵaý ministri Tamara Dúisenova eń tómengi jalaqyny kóterý tártibin túsindirdi, - dep habarlaidy Tengrinews.kz.
Biylǵy joldaýda Prezident eń tómengi jalaqyny 70 myń teńgege deiin kóterýdi tapsyrǵan. Osynyń arqasynda 1,8 million adamnyń tabysy artady.
Dúisenovanyń aitýynsha, eń tómengi jalaqyny kóterý úshin aldymen esepqisap jasaý qajet. Bul jumysqa halyqaralyq sarapshylar da tartylady.
"Bul tapsyrmany oryndaý úshin 2023-2025 jyldarǵa arnalǵan respýblikalyq biýdjet týraly zań jobasyna eń tómengi eńbekaqy kólemin 60 myńnan 70 myńǵa deiin ósirý týraly qyrkúiek aiynda ózgeris engiziledi. Al eń tómengi eńbekaqyny anyqtaý jáne ony kezeń-kezeńimen ósirý metodikasyn ázirleý úshin Dúniejúzilik banktiń sarapshylaryn tarta otyryp, zertteý júrgizýdi josparlap otyrmyz. Zertteý nátijelerine sáikes, jańa metodikany 2023 jyldyń naýryz aiyna deiin daiyndaimyz. Al kelisilgen metodikany jáne eń tómengi eńbekaqyny arttyrý mehanizmderi 2023 jyldyń jeltoqsan aiyna deiin eń tómengi áleýmettik standarttar týraly zańǵa jáne eńbek kodeksine engiziledi" , - dedi ol Úkimettiń búgingi otyrysynda.
Osylaisha, eń tómengi jalaqy 70 myń teńgege deiin kóteriledi.
