Aýyl sharýashylyǵy ministri Erbol Qarashókeev importqa táýeldi azyq-túlik taýarlaryn aitty, dep habarlaidy QazAqparat.
«Aýyl sharýashylyǵy ministrligi azyq-túlik taýarlarynyń negizgi 29 túri boiynsha ishki naryqtyń qamtamasyz etilýine monitoring júrgizýde. Azyq-túlik taýarlarynyń negizgi túrleri boiynsha ishki naryqtyń otandyq óndiris esebinen qamtamasyz etilýi shamamen 85 paiyzdy quraidy. Qus eti, shujyq ónimderi, irimshik jáne súzbe, alma, qant jáne balyq siiaqty taýarlar importqa táýeldi», - dedi E. Qarashókeev Úkimet otyrysynda
Onyń aitýynsha, 2021 jyly ótken jyldyń kezeńimen salystyrǵanda irimshik pen súzbe óndirisi 18,6% - ǵa (32 myń tonnadan 45,3 myń tonnaǵa deiin), shujyq ónimderi 9,5% - ǵa (58,7 myń tonnadan 68,4 myń tonnaǵa deiin), alma 7% - ǵa (259 myń tonnadan 282,1 myń tonnaǵa deiin), qus eti 27% - ǵa (235,3 myń tonnadan 282,1 myń tonnaǵa deiin), qant 28,9%-ǵa (140 myń tonnadan 335 myń tonnaǵa deiin), balyq 10,1%-ǵa (61 myń tonnadan 71 myń tonnaǵa deiin) ulǵaidy.
