Qazaqstandyq oqýshylar kóp biledi, biraq alǵan bilimin qoldana almaidy. Bul týraly búgin bilim jáne ǵylym ministri Ashat Aimaǵambetov málimdedi, dep habarlaidy Sputnik Qazaqstan.
Ministr bilim salasy boiynsha Qazaqstannyń halyqaralyq reitingterdegi kórsetkishine toqtaldy. Aimaǵambetovtiń aitýynsha, elimiz orta bilim berýde bes salystyrmaly zertteýge qatysady. Olardyń negizgileri – PISA, PIRLS jáne TIMSS.
PIRLS zertteýinde Qazaqstan mátindi túsiný jáne oqý saýattylyǵy boiynsha 27-orynda. Al TIMSS zertteýinde matematika, jaratylystaný pánderi boiynsha jetekshi on eldiń qataryna engen.
"Biraq ta, TIMSS zertteýi tek qana akademiialyq bilimi bar ekenin kórsetedi. Osy kórsetkish boiynsha nátije jaqsy, alaida biz úshin eń mańyzdy reiting – PISA. Onyń nátijeleri oqýshylardyń fýnktsionaldyq saýattylyǵynyń tómen ekenin kórsetip otyr. Bizdiń balalarda taldaý jasaý, syni turǵyda oilaý daǵdylary jetkiliksiz. Basqasha aitqanda, qazaqstandyq oqýshylar kóp biledi, biraq alǵan bilimin tiisinshe qoldana almaidy", - dedi Aimaǵambetov úkimet otyrysynda.
Osyǵan bailanysty, vedomstvo basshynyń aitýynsha, 2016 jyldan bastap mektepterde syni oilaý men aǵdylardy damytýǵa baǵyttalǵan jańartylǵan bilim berý mazmuny engizilgen.
Al joǵary bilim berýde QS jáne Times Higher Education reitingteri negizgi sanalady.
"QS reitinginde bizdiń elimizde on dinamika baiqalady. 2011 jyly reitingke bes joǵary oqý orny ense, biyl on ýniversitet atalyp ótti. Biraq bul da áli jetkiliksiz. Biz tiisti jumys júrgizýimiz qajet", - dedi ministr.
Onyń sózinshe, qazaqstandyq joǵary oqý oryndary arasynda reitingte ál-Farabi atyndaǵy Qazaq ulttyq ýniversiteti kósh bastaǵan.
Al Times Higher Education reitingine, 2018 jyly alǵash ret Qazaqstannyń eki joǵary oqý orny kirdi.
