QR Aqparat jáne qoǵamdyq damý ministri Asqar Ýmarov buqaralyq aqparat quraldarynyń túpki benefitsiaryn ashý týraly usynysqa pikir bildirdi, dep habarlaidy QazAqparat.
«Marqum Mihail Dorofeev bir joly «Eger ashyq qoǵam qurǵymyz kelse, áýeli ózimizden bastaýymyz kerek» dep jazǵan bolatyn. Iaǵni, biz ózimizdiń túpki benefitsarymyzdy kórsetýimiz kerek. BAQ-tyń qandai qarjyǵa ómir súrip júrgeni kórinip turýy qajet. Ondai jaǵdaida memlekettik organdardyń da amaly qalmaidy. Óitkeni BAQ óziniń ashyqtyǵyn kórsetip otyr. Jumys tobynda osyndai usynys aitylyp, ár BAQ-tyń artyndaǵy túpki benefitsiardy, qarjylandyrý kózin ashý usynylǵan. Eger túpki benefitsiar belgili bolsa, memlekettik aqparattyq tapsyrys týraly málimetter de ashyqqa shyǵady. Kommertsiialyq qupiia printsipi bar ekeni, Qazaqstandaǵy aqparat naryǵy shaǵyn ekeni túsinikti», - dedi ministr.
Onyń aitýynsha, BAQ-tyń kóbi memlekettik aqparattyq tapsyrys alý arqyly kún kórip otyr.
«Múmkin benefitsiarlardy ashý kerek shyǵar. Alaida aqparattyń bir bóligin ashqannan keiin basqa bólikterin de ashý kerek bolady. Iaǵni, qarjylandyrý qaidan kelip jatqany da aitylýy kerek. Bálkim quryltaishylardyń biri sýbsidiia bóletin shyǵar nemese granttar alatyn shyǵar. Biraq bul usynys qana, ol áli talqylanady», - dedi Asaq Ýmarov Parlamenttiń birlesken otyrysynan keiin BAQ ókilderiniń suraǵyna bergen jaýabynda.
