Sýret ashyq derekkózden alyndy
Eńbek jáne halyqty áleýmettik qorǵaý ministri Tamara Dúisenova áielderdiń zeinetkerlik jasyn ár balaǵa qysqartý týraly usynysqa qatysty pikir bildirdi, - dep habarlaidy Tengrinews.kz agenttigi.
Ortalyq kommýnikatsiialar qyzmetinde ótken brifingte sóilegen sózinde ministr eger Úkimet árbir balanyń týylýyna bailanysty zeinetkerlik jasty azaitsa, onda áielderdiń jinaq qoryndaǵy aqshasy jetpeitinin atap ótti.
"Qoldanystaǵy zańnamaǵa sáikes, 53 jasqa tolǵan jáne bes balasy bar áiel erte zeinetke shyǵa alady. Tipti áiel jumys istemese de, tórt baladan kóp bolsa, memleket oǵan 12 jyl eńbek ótilin qosady. Endi Májilis depýtaty Amanjan Jamalovtyń usynysyna toqtalaiyn. Búginde zeinetaqy eńbek ótili men tabysyna qarai esepteledi. Bul zańda jazylǵan. Másele azamattardyń jinaqtaý qoryndaǵy qarajat kólemine bailanysty. Jinaqtaýshy qorda qarajat bolmasa, eńbek ótili bolmasa, zeinetaqy óte az bolady", - dedi Dúisenova jýrnalisterdiń saýaldaryna jaýap bere otyryp.
