3 millionnan astam qazaqstandyq Mindetti áleýmettik meditsinalyq saqtandyrýmen qamtylmaǵan. Bul týraly búgin «Mindetti áleýmettik meditsinalyq saqtandyrý qory» UAQ basqarmasynyń tóraǵasy Bolat Tókejanov aitty, dep habarlaidy QazAqparat.
«Meditsinalyq saqtandyrý júiesin iske asyrýdyń birinshi jyly barlyǵymyz úshin úlken synaqqa – koronavirýs pandemiiasyna tap boldy. MÁMS iske asyrýdyń birinshi jylynyń qorytyndylary meditsinalyq saqtandyrý júiesiniń iske qosylǵanyn, osy tótenshe kezeńde densaýlyq saqtaý salasy úshin qarjylyq «qaýipsizdik jastyǵyn« qurǵanyn jáne eń bastysy, meditsinalyq kómek kólemin ulǵaitý úshin jaǵdai jasaǵanyn kórsetti», - dedi ol Densaýlyq saqtaý ministrliginiń keńeitilgen alqa otyrysynda.
Onyń aitýynsha, búginde Qazaqstan turǵyndarynyń 84 paiyzy meditsinalyq saqtandyrýǵa qatysýshy bolyp otyr. Tipti pandemiia kezide biznestiń jáne halyqtyń tólem qabileti tómendeýine qaramastan júiege qatysýshylardyń sany 1 mln adamǵa artyp, 15,9 mln-ǵa jetti.
«Áli de 3 mln-nan astam qazaqstandyq júiemen qamtylmaǵan. Osyǵan orai halyqty MÁMS-ke tartý boiynsha júieli jumystardy júrgizý qajet. Óńir ákimderi «Atameken» UKP-ny, Memlekettik kirister komitetiniń aýmaqtyq bólimshelerin jáne meditsina uiymdaryn jumyldyrý arqyly óńirlik shtabtardyń tiimdiligin arttyrý kerek. Bul máselege turǵyndarynyń qamtylýy 80 paiyzǵa jetpeitin Qostanai, Almaty, Túrkistan, Jambyl oblystarynyń, Shymkent qalasynyń ákimdikteri erekshe nazar aýdarýy tiis», - dedi Bolat Tókejanov.
