Meiirim Nursultanov kásipqoi bokstaǵy jetinshi jeńisine jetti, - dep habarlaidy Vesti.kz.
Qazaqstandyq boksshynyń meksikalyq Hose Obandony merziminen buryn jeńgen sáti túsirilgen video YouTube jelisinde jariialandy.
Los-Andjeleste ótken boks keshiniń aiasynda Nursultanov meksikalyq tehnikalyq nokaýtpen jeńdi.
Osylaisha, 24 jastaǵy Nursultan jeńilip kórmegen boksshy statýsyn saqtap qaldy. Aita keteiik, qazaqstandyq boksshy jeti ret jeńiske jetken. Onyń altaýyn nokaýtpen jeńgen. Alǵash ret kásipqoi boksta 2016 jyldyń qarashasynda óner kórsetken edi.
Al 28 jastaǵy Obando kásipqoi boksta 2010 jyldan beri kele jatyr. Bul onyń mansap jolyndaǵy 21-shi jeńilisi eken. Sondai-aq, meksikalyq boksshy 16 ret jeńiske jetken (12-si nokaýtpen) jáne bireýi teń eseppen aiaqtalǵan.
