Belgili jaidarmanshy, ánshi Mereke Qalbaeva ónerdegi aǵa býynmen bolǵan keleńsiz oqiǵany aityp berdi, dep habarlaidy ult.kz.
Ázilkesh bul týraly YouTube jelisindegi «Bolǵan oqiǵa» podkasynda baiandap berdi.
«Ónerdegi bir ápshemmen otyrysta birge boldym. Karaokege barsam da, sol kisiniń ánderin aityp, jaqsy kóretin edim. Instagramda belgilep salamyn. Biraq, ózine kóshirip almaidy eshqashan. Sol otyrysta «Sen múlde án aitpashy» deidi. Ol kisi ústeldiń ana buryshynda otyr. Men myna buryshynda otyrmyn. Ózimen-ózi turdy da solai dedi. Ana jerde qanshama adamdar otyr. «Seniń daýysyń múlde joq. Sen murynmen aitasyń» deidi maǵan. «Ápshe, men qai jerden daýys shyǵady. Sol jermen án aitqym keledi» dedim. Áý demeitin qazaq joq. Kez kelgen qazaqtyń daýysy bar. Án aitqysy keledi. Men ónerdi qatty jaqsy kóremin. Eregiskim kelmei tur. Áńgimeni ádemi japqym keldi. Ol kisini men qatty syilaimyn. Eń jaqsy kóretin adamdarymnyń biri ǵoi. «Sen toi da júrgizbeshi, ei» deidi maǵan. «Esh nárse istemeshi!» degenge keltirip tur. Shydai almai kettim. «Ápshe, eshkim jetiskennen júrmeidi! Jetispegennen júredi. Jetispedi me? Qolymnan ne keledi. Sonyń bárin isteimin. Esektiń artyn jýsam da, aqsha tabamyn. Ol maǵan nápaqa ákelip tur ma? Men sony isteimin» dedim. Kinodaǵydai buryldym. Esikti tars japtym da, jylap shyǵyp kettim, -dedi ol.
