QR Premer-Ministri Asqar Mamin Úkimettiń tsifrlyq keńsesinde ortalyq memlekettik organ basshylarynyń jáne óńirler ákimderiniń qatysýymen áleýmettik mańyzy bar azyq-túlik taýarlarynyń (ÁMAT) baǵalaryn retteý máseleleri boiynsha keńes ótkizdi, dep habarlaidy "Ult aqparat" primerminister.kz saityna silteme jasap.
Ótken aptada Qazaqstanda áleýmettik mańyzy bar azyq-túlik taýarlarynyń baǵasy 0,2%-ǵa tómendedi. Baǵanyń eń kóp tómendeýi Túrkistan oblysynda jáne Nur-Sultan qalasynda (-0,6%), Jambyl oblysynda (-0,3%), Shymkent qalasynda (-0,2%) tirkeldi.
Taýarlar bólinisinde respýblika boiynsha sábiz (-2,2%), kartop (-0,5%), piiaz jáne rojki (-0,4%), siyr eti (-0,3%), kúrish (-0,2%), sút jáne qaraqumyq (-0,1%) baǵasynyń tómendeýi baiqalady. Qalǵan ónimder boiynsha baǵalar turaqty.
Forvardtyq satyp alý qorytyndysy boiynsha 2021 jyly «Azyq-túlik kelisim shart korporatsiiasy» UK» AQ 572 myń tonna astyq, onyń ishinde 539 myń tonna bidai satyp aldy. 2022 jyldyń birinshi jartyjyldyǵynda ishki naryqqa 475 myń tonna bidai jiberý josparlanyp otyr.
Qazirgi ýaqytta Básekelestikti qorǵaý jáne damytý agenttigi naryq sýbektileriniń atyna 114 habarlama jiberdi, 16 tergeý júrgizdi, monopoliiaǵa qarsy zańnamany buzýshylyqtardy joiý týraly 20 nusqama, óndirýshilerdiń baǵany kóterý múmkindigi týraly jariia málimdemesi úshin básekelestikti qorǵaý salasyndaǵy QR zańnamasyn buzýǵa jol bermeý týraly 11 eskertý jasady, óndirýshilermen, kóterme jetkizýshilermen jáne saýda jelilerimen saýda ústemesin 15%-dan 10%-ǵa deiin tómendetý týraly monopoliiaǵa qarsy komplaenstiń 199 aktisin jasasty. Saýda ústemesin kóterýdiń 75 faktisi anyqtaldy.
Premer-Ministr ortalyq memlekettik jáne jergilikti atqarýshy organdarǵa áleýmettik mańyzy bar azyq-túlik ónimderiniń baǵasyn turaqtandyrý jáne tómendetý boiynsha jumysty jalǵastyrýdy tapsyrdy.
Úkimet basshysy óńirlik turaqtandyrý qorlaryndaǵy qorlardy tolyqtyrý jáne «ainalym shemasyn» qarjylandyrýdy qamtamasyz etý sharalaryn qabyldaýdyń mańyzdylyǵyn atap ótti.
«Baǵany tómendetý qarqynyn arttyrý jáne mereke aldyndaǵy kezeńde barlyq qoldanystaǵy quraldardy qoldana otyryp, barynsha baqylaýdy qamtamasyz etý qajet. Taýar interventsiiasyn ýaqytyly júrgizý jáne kelisimshart jasalǵan kólemderdiń jetkizilýin qamtamasyz etý qajet. Mereke kúnderi taýarlardyń jasandy tapshylyǵyna jol berýge bolmaidy», — dedi A. Mamin.
Aita keteiik, jiynda qazirgi jaǵdai men júrgizilip jatqan jumys týraly saýda jáne integratsiia vitse-ministri Erjan Qaldybaev, Ulttyq bank tóraǵasynyń orynbasary Aqyljan Baimaǵambetov, aýyl sharýashylyǵy ministri Erbol Qarashókeev, Básekelestikti qorǵaý jáne damytý agenttiginiń tóraǵasy Serik Jumanǵarin, Aqtóbe oblysynyń ákimi Ońdasyn Orazalin, Qyzylorda oblysynyń ákimi Gúlshara Ábdiqalyqova, Soltústik Qazaqstan oblysynyń ákimi Qumar Aqsaqalov, Aqmola oblysynyń ákimi Ermek Marjyqpaev jáne t. b. baiandady.
