Almaty oblysynda Mercedes kóligi úidiń qaqpasyn buzyp kirip, týǵan kún toilap otyrǵan adamdardy qaǵyp ketti, dep habarlaidy ult.kz.
Almaty oblysynyń Kóksai aýylynda Mercedes markaly jeńil kólik turǵyn úidiń qaqpasyn buzyp kirip, aýlada týǵan kún toilap otyrǵan adamdardy qaǵyp ketken.
Oqiǵa kezinde aýlada alty adam, onyń ishinde bir bala bolǵan. Aldyn ala málimet boiynsha, saldarynan 40 jastaǵy týǵan kún iesiniń aiaǵyna aýyr zaqym kelip, dárigerler ony ampýtatsiialaýǵa májbúr bolǵan. Taǵy bir 30 jastaǵy áiel qabyrǵalaryn syndyryp alǵan.
Oqiǵa kýágerleriniń aitýynsha, kólik tizgininde júrgizýshi kýáligi joq 23 jastaǵy qyz otyrǵan. Onyń janynda taǵy eki jigit bolǵan, olardyń biri Mercedes kóliginiń iesi ekeni aitylady. Oqiǵadan keiin jigitterdiń oqiǵa ornynan ketip qalǵany habarlandy.
Jábirlenýshilerdiń týystary jedel járdem brigadasy oqiǵa ornyna shamamen bir saǵattan keiin, politsiia bir saǵattan astam ýaqyt ótken soń, al jol-patrýldik politsiia qyzmetkerleri tórt saǵattan keiin kelgenin málimdedi.
Sondai-aq jábirlenýshiniń ápkesiniń sózinshe, olar Shamalǵandaǵy aýrýhanaǵa jetken kezde, onda boljamdy júrgizýshi men onyń anasy bolǵan. Atalǵan oqiǵaǵa qatysty Almaty oblysy politsiia departamentiniń resmi túsiniktemesi ázirge jariialanǵan joq. Onyń mán-jaiy anyqtalyp jatyr.
