Almaty qalasy turǵyn úi saiasaty basqarmasynyń basshysy Erjan Seitenov onlain brifing barysynda menshik ieleriniń birlestikteri men qarapaiym seriktestiktiń qalai qurylatynyn aityp berdi, dep habarlaidy QazAqparat.
«Menshik ieleriniń birlestikteri (MIB) qurý úshin jalpy jinalysqa nemese saýalnamaǵa qatysýshylardyń jartysynan kóbiniń kelisimi qajet ekenin este ustaǵan jón. Al qarapaiym seriktestik qurý úshin úi turǵyndarynyń 100% kelisimi qajet. Olardyń árqaisysy senimhat berip, birlesken qyzmet týraly shartqa qol qoiýy kerek», - dedi spiker.
Erjan Seitenov MIB tóraǵasy nemese qarapaiym seriktestiktiń senimdi ókili bir jylǵa sailanatynyn aitty. Sonymen qatar, úi keńesi sailanady. Jinalysta keminde 51% bolýy kerek turǵyndar kem degende úsh páter iesi kiretin úi keńesiniń múshelerin sailaýy kerek. Olar úsh jylǵa sailanady.
Ári qarai, basqarýdyń eki formasynyń birin tańdaidy: MIB nemese QS. Nemese úi keńesine basqarý formasyn tańdaýǵa ókilettik beredi.
Tirkeý nátijeleri boiynsha zańdy tulǵany memlekettik tirkeý týraly anyqtama beriledi. MIB men QS ekinshi deńgeidegi bankte aǵymdaǵy jáne jinaq shottaryn ashýy tiis.
«Jalpy alǵanda, MIB, QS, basqarýshy nemese basqarýshy kompaniianyń qyzmetin úilestirýdi jáne úidi basqarý jáne ortaq múlikti ustaý boiynsha ai saiynǵy, jyldyq esepterdi qaraýdy úi keńesi júzege asyrady. MIB/QS qarjy-sharýashylyq qyzmetin baqylaýdy tekserý komissiiasy nemese tekserýshi júzege asyrady», - deidi Erjan Seitenov.
Onyń aitýynsha, eger turǵyndar MIB tóraǵasyn sailasa, onda ol servistik uiymdarmen tikelei jumys isteýge, menshik ieleri birlestiginiń atynan sharttar jasasýǵa, qyzmetterge aqy tóleýge quqyly. Jinalǵan qarajatty úidiń keńesi baqylaidy, al barlyq baqylaý men monitoring turǵyndarǵa qalady.
