Shymkentte er adam burynǵy áielin ańdyp, ústine qyshqyl tókken. Oqiǵa saldarynan áiel aýyr jaraqat alyp, aýrýhanaǵa túsken, dep habarlaidy ult.kz.
@nemolchikz málimetinshe, áiel balasy dúniege kelgennen keiin bes jyl buryn kúieýimen ajyrasyp ketken. Burynǵy kúieýi onyń atyna nesie rásimdep, aliment tóleýden bas tartqan. Onyń qaryzy shamamen 10 myń teńge bolǵany aitylady.
Áieldiń áriptesteriniń jazýynsha, er adam bir kúni jańa nómir satyp alyp, ózin klient retinde tanystyryp, burynǵy áieline habarlasqan. Ol áiel jumys isteitin sulýlyq salonyna aldyn ala jazylǵan. Alaida salonǵa arnaiy jumys kiimin kiip, qolyna kanistra ustap kelgen.
Jábirlenýshiniń aitýynsha, qyshqyl tógilgennen keiin kiiminiń terisimen birge erip jatqanyn óz kózimen kórgen. Er adamnyń oǵan «Men seni adam tanymastai qylyp tastaimyn» degeni de aitylyp otyr.
Qazir áiel aýrýhanada aýyr jaǵdaida jatyr. Oǵan teri aýystyryp salý jáne birneshe ota jasaý qajet.
Qordyń málimetinshe, kúdikti ustalǵan. Alaida onyń úiqamaqqa shyǵýǵa áreket jasaǵany aityldy.
Aldyn ala málimet boiynsha, qylmystyq is «Densaýlyqqa qasaqana aýyr ziian keltirý» baby boiynsha tirkelgen.
