شىمكەنتتە ەر ادام بۇرىنعى ەيەلٸن اڭدىپ, ٷستٸنە قىشقىل تٶككەن. وقيعا سالدارىنان ەيەل اۋىر جاراقات الىپ, اۋرۋحاناعا تٷسكەن, دەپ حابارلايدى ult.kz.
@nemolchikz مەلٸمەتٸنشە, ەيەل بالاسى دٷنيەگە كەلگەننەن كەيٸن بەس جىل بۇرىن كٷيەۋٸمەن اجىراسىپ كەتكەن. بۇرىنعى كٷيەۋٸ ونىڭ اتىنا نەسيە رەسٸمدەپ, اليمەنت تٶلەۋدەن باس تارتقان. ونىڭ قارىزى شامامەن 10 مىڭ تەڭگە بولعانى ايتىلادى.
ەيەلدٸڭ ەرٸپتەستەرٸنٸڭ جازۋىنشا, ەر ادام بٸر كٷنٸ جاڭا نٶمٸر ساتىپ الىپ, ٶزٸن كليەنت رەتٸندە تانىستىرىپ, بۇرىنعى ەيەلٸنە حابارلاسقان. ول ەيەل جۇمىس ٸستەيتٸن سۇلۋلىق سالونىنا الدىن الا جازىلعان. الايدا سالونعا ارنايى جۇمىس كيٸمٸن كيٸپ, قولىنا كانيسترا ۇستاپ كەلگەن.
جەبٸرلەنۋشٸنٸڭ ايتۋىنشا, قىشقىل تٶگٸلگەننەن كەيٸن كيٸمٸنٸڭ تەرٸسٸمەن بٸرگە ەرٸپ جاتقانىن ٶز كٶزٸمەن كٶرگەن. ەر ادامنىڭ وعان «مەن سەنٸ ادام تانىماستاي قىلىپ تاستايمىن» دەگەنٸ دە ايتىلىپ وتىر.
قازٸر ەيەل اۋرۋحانادا اۋىر جاعدايدا جاتىر. وعان تەرٸ اۋىستىرىپ سالۋ جەنە بٸرنەشە وتا جاساۋ قاجەت.
قوردىڭ مەلٸمەتٸنشە, كٷدٸكتٸ ۇستالعان. الايدا ونىڭ ٷيقاماققا شىعۋعا ەرەكەت جاساعانى ايتىلدى.
الدىن الا مەلٸمەت بويىنشا, قىلمىستىق ٸس «دەنساۋلىققا قاساقانا اۋىر زييان كەلتٸرۋ» بابى بويىنشا تٸركەلگەن.
