QMDB janyndaǵy Respýblikalyq Bas meshittiń baspasóz qyzmeti meshitte bilegen boijetkenniń áreketi jóninde aqparat taratty, dep habarlaidy "Ult aqparat".
«21 tamyzda saǵat 18:48-de Qazaqstan musylmandary dini basqarmasy janyndaǵy Respýblikalyq Bas meshitke kelgen qyz qulshylyq úiiniń ishki tártibi men ádebin óreskel buzyp, imam jumysyna, namaz oqýshylardyń qulshylyǵyna kedergi keltirdi.
Din qyzmetkerleri oǵan meshit ádebi týraly túsindirdi. Alaida imam keńesine baǵynbaǵan ol «men Máhdimin, ony osy járde dáleldeýim kerek» dep qarsylyq tanytqan. Meshit qyzmetkerleri er azamattar namaz oqityn orynǵa áielderdiń kelýine bolmaitynyn jetkizip, ony syrtqa shyǵarýǵa májbúr bolady. Ol meshit aýlasynda ersi áreketter jasap, kúzetshilerdiń eskertýine qulaq aspaǵan. Sodan soń kúzetshiler ony meshit aýlasynan shyǵarýǵa májbúr bolǵan», - delingen habarlamada.
Meshitte ádep saqtamaǵan qyzdyń jeke tulǵasyna qatysty málimet joq.
«Osy rette meshitke kelýshi azamattardy qulshylyq úiinde qarapaiym adamgershilik ádepterdi saqtaýǵa shaqyramyz», - deidi QMDB ókili.
